Eftir Microsoft Ignite 2025 er ansi ljóst að Teams er að breytast úr „fundaforriti“ í snjallan samvinnuvettvang þar sem gervigreind og sjálfvirkni eru orðin
sjálfsagður hluti af daglegu vinnuflæði.
Helstu atriði sem vert er að taka með sér:
- Teams + Copilot verður „samstarfsfélagi“ þinn, ekki bara stakur spjallbotnCopilot er nú samofinn spjöllum, rásum, fundum og símtölum – með sameinað viðmót og dýpra samhengi úr fundalýsingum, spjallsgreinum, dagatali o.fl. Hann getur dregið saman umræður, fundið ákvarðanir og verkefni og stungið upp á næstu skrefum án þess að þú þurfir að fletta endalaust til baka.
- „Teams Mode“ og Channel Agents: Við vinnum með AI – ekki bara við hlið þessTeams Mode fyrir Copilot gerir hópnum kleift að fara úr einkaspjalli við Copilot yfir í sameiginlegt spjall þar sem allir sjá sömu svör og geta spurt áfram – eins og „sameiginlegur greindur fundarskrifari og hugmyndavél“ í einu. Channel Agents sjá svo um rásirnar: útbúa stöðuskýrslur, vinna „workback“ áætlun út frá markmiði og skilafresti og hjálpa til við áætlanagerð beint inn í Planner. Þetta færir AI beint inn í verkefnastjórnunina, ekki bara sem auka-öpp.
- Meira flæði í samvinnu – bæði innan og utan fyrirtækisYtri samvinna er einfölduð: hægt er að spjalla við fólk með bara netfangið, deila skrám og Loop-einingum í ytri spjöllum og sjá skýra traustsvísa (external-familiar, guest, o.s.frv.) til að vita nákvæmlega með hverjum þú ert að vinna. Þá má „poppa út“ helstu hluta Teams (spjall, símtöl, dagatal o.fl.) í sérglugga þannig að þú getur raðað vinnuumhverfinu eins og hentar þér – minna tab-flakk, meira flæði.
- Snjallari fundir, vefviðburðir og bæjarfundirFacilitator-agentinn lærir að fylgja dagskrá, minna á fjarverandi þátttakendur og útbúa skjöl (blogg, samantektir, verkefnalýsingar) út frá umræðum á fundinum. Ný recap-sniðmát gera það auðvelt að velja milli „Executive summary“ eða ítarlegra yfirlita – eða búa til eigið sniðmát sem hentar ykkar vinnustíl. Town Hall og immersive events fá betri stjórn, aðgengi að tölfræði og möguleika á 3D-viðburðum þar sem fólk mætir sem „avatar“ – áhugavert fyrir stóra viðburði, opna fundi og fræðslu.
- Stjórnendur og IT fá AI-aðstoð og betra eftirlitCopilot í Teams admin center hjálpar stjórnendum að greina stillingar, greina gæði funda og símtala og stinga upp á umbótum. Ný sýn á öryggi og samræmi (e. compliance) fyrir öpp og „agents“, Entra-auðkenning fyrir bota, og nýjar síur til að flokka öpp eftir vottunum (t.d. ISO 27001, HIPAA, GDPR) gera það mun auðveldara að velja rétt verkfæri fyrir viðkvæm gögn.
Hvað þýðir þetta í raun fyrir þig og þitt teymi?
- Fundir og spjall verða minna um „að finna aftur“ og meira um „að nýta áfram“ – Copilot sér um samantektir og framkvæmd, þú nýtir niðurstöðurnar.
- Verkefna- og upplýsingaflæði færist inn í Teams-rásir og sameiginlegar síður, í stað þess að dreifast um tölvupósta, skjöl og ótal öpp.
- Ytri samstarfsaðilar verða sýnilegri og öruggari með traustsvísum og skýrari stillingum fyrir admin.
- IT fær meiri slagkraft með betri innsýn í gæði funda, uppsetningar og öryggi – án þess að þurfa að fara í tæknilega djúpheimsókn í hvert horn.
Ef þú ert að hugsa um næstu skref fyrir þitt fyrirtæki er góð byrjun að spyrja:
- Hvar í daglegu vinnunni okkar myndi Copilot/Channel Agents spara mestan tíma?
- Hvaða ferla (t.d. stöðuskýrslur, verkefnaáætlanir, fundarecap) getum við flutt inn í Teams og látið AI hjálpa?
- Erum við með skýra stefnu um ytri samvinnu og hvernig við viljum nýta hana í Teams?