Microsoft Lists námskeið

Microsoft Lists er frábær lausn þegar vinna á með raðir en ekki bara reiti. Viltu halda utan um eignir eða vörubirgðir með verði, magni, raðnúmeri og fleira? Ef svo er þá gæti Microsoft Lists verið málið.

Hægt er að byrja með tóman lista og forma hann eftir þörfum eða byggja ofan á þeim sem þegar hafa verið gerðir. Sækja má hugmyndir í formi sniðmáta og eða hlaða inn lista frá Excel. MS Lists stendur eitt og sér sem lausn innan M365 en einnig er hægt að nota það með afurðum eins og Teams fyrir allan hópinn.

Ef vinna á með raðir getur MS Lists verið málið frekar en Excel eða To Do. Á þessu námskeiði færðu tækifæri að kynnast þessu frábæra tóli og ákveðið hvaða tól er best til að leysa það sem fyrir framan þig er.

Ávinningur

Að nýta betur þá möguleika er Microsoft Lists býður upp á enda er MS Lists svo miklu meira en bara einfaldur innkaupalisti eða To Do verkefni.

Yfirferð

• Hvað er Microsoft Lists?
• Hvað þarf til ?
  • Áskrift eða ekki?
  • Hvar er listinn geymdur?
• Hvar og hvernig á að nota MS Lists
• Listar vs. töflur
  • Hvers vegna ætti ekki að nota Excel..?
• Að útbúa lista frá grunni
  • Dálkar, línur og annað...
• Hvað er sniðmát og hvenær ætti að nota það?
• Flokkun og síun - hvað og hvernig?
• Sérstillingar og sýnir
  • SharePoint
• Samvinna með MS Lists

Leiðbeinandi

Atli Þór Kristbergsson iðnmeistari og verkefnastjóri.